Міжнародны дзень роднай мовы.
21 лютага адзначаецца Міжнародны дзень роднай мовы. Не засталіся ў баку і нашы вучні, якія прымалі актыўны ўдзел у мерапрыемствах.
Самыя малодшыя школьнікі, вучні пачатковых класаў, праяўлялі кемлівасць, разгадваючы загадкі, крыжаванкі, спаборнічалі ў конкурсах.
Вучні 6-8 класаў разважалі пра тое, чаму яны любяць беларускую мову, разгадвалі красворды, пераводзілі словы з рускай мовы на беларускую, таксама слухалі вершы беларускіх паэтаў.
Старшакласнікі стваралі газеты, прысвечаныя Дню роднай мовы, прызнаваліся ў любові да матчынага слова, чыталі вершы, слухалі музычныя творы.
У гэты дзень у нашай школе чулася беларуская мова.
Спадзяёмся, што кожны прысутны на мерапрыемствах памножыў тыя вечныя скарбы, скарбы душы сваёй.
